ՀՀ ԱՆ. Հայ լյարդաբանները` Հնդկաստանում

Հնդկաստանի Նյու-Դելլի քաղաքում կայացել է Խաղաղ- օվկիանոսյան ասիական ասոցիացիայի հերթական մոնոթեմատիկ գիտաժողովը` նվիրված «Հեպատիտ Ց` վարակ և հիվանդություն» թեմային։ Գիտաժողովին մասնակցել է 30 երկրի 1200 մասնագետ։ Հայաստանի Հանրապետության լյարդաբանները ներկայացրել են այս ոլորտում մեր երկրում արձանագրված հաջողությունները, ինչպես նաև տարբեր երկրների լյարդաբանների հետ համագործակցությունը։

Գիտաժողովում աննկատ չի մնացել հայ լյարդաբանների և Հայկական լյարդաբանական ֆորումի նախաձեռնողականությունը վիրուսային հեպատիտների դեմ պայքարի և բուժման նոր մեթոդների կիրառման գործում: Այն հանգամանալից ներկայացվել է Հայկական լյարդաբանական ֆորումի ղեկավար Հասմիկ Ղազինյանի «Հեպատիտ Ց-ն Հայաստանում. ներկա իրավիճակը և ապագա ծրագրերը», ինչպես նաև «Վիրուսային հեպատիտ Ց` արտալյարդային կլինիկական արտահայտություններ» դասախոսություններով։ Լյարդաբան-վարակաբան Նարինե Սարգսյանցի ստենդային շնորհանդեսը ևս նվիրված էր վիրուսային Ց-ին։

Առաջիկայում Ճապոնիայում կայանալիք Ասիական ասոցիացիայի տարեկան գիտաժողովում ևս Հայաստանը ներկայացված կլինի։ Մեր լյարդաբանների պատվիրակությունը այս անգամ ևս կներկայանա դասախոսություններով և երկու ստենդային շնորհանդեսով։ Հայկական պատվիրակությունը` որպես հրավիրյալ փորձագետ, Ճապոնիայում կմասնակցի Ասիական միջազգային ուղեցույցների հաստատմանը:

Հարցեր, պատասխաններ, մեկնաբանություններ